Opsaun Dezenvolvimentu Sosiál no Ekonómiku ba Oekusi Timor-Leste.

Projetu Peskiza kona-ba Impaktu hosi Dezenvolvimentu Ekonómiku no Opsaun Polítika Fronteira nian ba Oekusi, Timor-Leste, Faze 1: Termu Referénsia ba Faze 2 Estudu nian, ba Oxfam Australia, Timor-Leste

Durasaun: Juñu 2007.
Ekipa Peskiza: Kym Holthouse and Damian Grenfell
Konsultadoria ba: Oxfam Australia, Timor-Leste

Hari'i iha ne’e ba relatóriu finál projetu nian no lia-Bahasa.

Estudu ida-ne’e hala’o ho pedidu hosi Oxfam Australia nu’udar faze dahuluk iha projetu peskiza ida ho parte rua. Projetu nia instrusaun ba faze ida-ne’e (faze 1) maka atu proporsiona ámbitu estudu ida (scoping study) kona-ba kestaun sosiál no ekonómika ho relasaun ba opsaun ekonómika no polítka fronteira nian ba enklave Oekusi, Timor-Leste no atu dezenvolve Termu Referénsia (ToR) adekuadu ba estudu ida klean liután iha futuru.

Durante períodu semana tolu nia laran, peskizadór sira hosi Globalism Institute, Universidade RMIT hala’o servisu investigativu iha Oekusi no mós iha Dili. Sira ko’alia ho ema oioin hosi organizasaun oioin hosi buka hatene no dokumenta konversasaun dominante sira kona-ba kondisaun materiál, perspetiva no aspirasaun sira ne’ebé forma tiha moris loroloron no oportunidade ba ema sira ne’ebé moris iha enklave. Peskizadór sira buka no ezamina mós dokumentu sira ne’ebé maka baibain difisil atu hetan asesu ba maibé hamkona ba no hafó kontestu ba konversasaun prinsipál sira ne’ebé iha iha Oekusi ohin loron nian.

Relatóriu ida-ne’e aprezenta imajen preliminár ida kona-ba kompleksidade no dezafiu sira ne’ebé hasoru komunidade Oekusi no organizasaun sira ne’ebé servisu hodi fó tulun, ho rekoñesimentu ba istória nasaun Timor-Leste nian no mós karakterístika espesífiku no úniku distritu Oekusi nian.  Nu’udar parte ba ámbitu estudu ida-ne’e (scoping study), área prinsipál haat delineadu tiha: governasaun no autonomia; Zona Espesiál Ekonómika (SEZ) no investimentu esternu; agrikultura no silvikultura; no kestaun fronteira no solusaun sira. Relatóriu ne’e delineia mós rekomendasaun lubun ida ne’ebé hafó opsaun klaru ba peskiza seluk tan kona-ba to’o pontu ne’ebé mak dezenvolvimentu ekonómiku bele aliña ho nesesidade no interese komunidade Oekusi sira-nian. 

< Fila ba Projetu Peskiza