Dezafiu no Posibilidade
Dezafiu no Posibilidade: Organizasaun Internasionál no Feto sira Iha Timor-Leste
Forum Internasionál
9-11 Setembru 2005, Storey Hall, Universidade RMIT, Melburne
Nu’udar forum partisipativu no multilinge ida, Dezafiu no Posibilidade: Organizasaun Internasionál no Feto sira iha Timor-Leste hakbiban esperiénsia no ideia hosi partisipante sira, inklui feto Timoroan sira no reprezentante hosi organizasaun internasionál sira hodi esplora kestaun xave tolu:
1. Prátika no supozisaun hosi organizasaun internasionál sira ne’ebé servisu ho feto Timoroan sira;
2. Oinsá maka feto Timoroan sira hatán; no
3. Oinsá prezensa internasionál fó impaktu ba feto sira iha Timor-Leste.
Partisipante sira hosi Timor-Leste reprezenta ONG, ajénsia, orgaun estatál no organizasaun komunitária oin-oin. Sira ne’e inklui Fundasaun Alola, AMKV (Asosiasaun Mane Kontra Violénsia), Asia-Pacific Support Collective Timor-Leste, the Australia-East Timor Community Water Supply and Sanitation Project (CWSSP), Caritas Australia, Concern Worldwide, Forum ONG Timor-Leste, Fokupers, Friends of Baucau Buka Hatene Centre, Judicial System Monitoring Programme (JSMP), KOVEFOKTIL (kooperativa soru-tais), Gabinete Promosaun Igualdade, Oxfam Australia no Fundu Nasoins Unidas ba Populasaun sira (UNFPA).
Partisipante sira hosi Austrália inklui membru hosi organizasaun sosiedade sivil, Organizasaun Timor sira iha diáspora, ajénsia asisténsia no dezenvolvimentu nian no governu lokál, no mós ativista, akadémiku, estudante sira no membru hosi públiku ne’ebé interesadu.